عيد ميلاد زعيم
بسبب كل مانمر به فى هذا الزمان
كتبت هذه الكلمات
وأعرضها عليكم اليوم وباقى على تاريخ ميلاد الزعيم الخالد
7 أيام
رحمه الله وطيب ثراه
"أريد زمن ناصر"
أرفض هذا الزمان
أرفض هذا المكان
أرفض الاستكانة
والذل والهوان
أرفض هذا الزمان ..
زمن الجبروت والطغيان
أرفض هذا الزمان ..
زمن الركوع ..
زمن الخضوع ..
للنجوم والصلبان ..
أرفض هذا الزمان
أرفض الصمت
أرفض الأغلال
والوقوف بامتثال ..
لحكم كافر..
أرفض هذا الزمن الفاتر ..
وسأظل أحلم بزمن آخر
أختاره زمنى..
أحقق فيه حلمى ..
واخترت زمنك ياناصر ..
اخترت الزمن الثائر
اخترت القوة والعنفوان
اخترت السيف الهادر
اخترت الخطاب وحكمة اللسان
اخترت الصوت الكاسر
وماأعظم زمنك ياناصر
زمن الكرامة ..
زمن مواقف الاشراف
بألف لا..
الاستسلام .. الصلح أو الاعتراف
زمن الرجولة والانصاف
رفضتك يازمنى ..
يامن جعلتنى ذليل
لا أملك من أمرى ..
سوى النواح والعويل
والانتحاب على همى
والبلاء جليل ..
أرفض أن أصمت أبدا
أرفض أن تموت الشعوب
كيف يكون لى ولدا
ألقنه درس المغلوب
أعلمه كيف تسلب الحقوق
وتسرق الفرحة من القلوب
كيف أعيش وأنا أرى الأطفال
بدموعها ليل نهار
كيف كل يوم الف بيت ينهار
وألف إنفجار ..
ونصمت أمام تصلف الكفار
ولا ينطق رجل ..
بأن هذا حق مسلوب ..
لا لا لا
أرفض هذا الجرح الغائر
أرفض هذا الزمن الفاتر
أريد زمنا آخر ..
أريد زمنا ثائر ..
عله يشفى جراح السنين
عله يمحى الدمع والأنين
عله يمحى الحزن من عيون الصغار
عله يشفينا من إحساس الانكسار
عله يجعلنا من جديد رجال
نمسك السيف بقوة ..
ولا نتخلى عن القتال
عله يخلق منا بعد عمر أبطال
أم أنه محال ؟؟
هل محال أن نثور ؟؟!!
هل محال أن نشعر بأن داخلنا دماء
يمكنها ان تغلى وتفور
وأن نصرخ ضد هذا الاستعلاء
هل محال أن نجيد لغة أجدادنا
وأن نمحو من حياتنا اللغة المقننة
هل محال أن نعود للشهامة ؟؟
أم ذهبت شيمنا مع الأبطال القدامى ؟!!
إن الإسلام دين الأقوياء
ليس محال أن نعيد الكبرياء
أن نتخلى عن الذكرى والرثاء
فنقول كنا ، وصرنا هباء
ونترحم على ذكرى من أحيوا فينا الإباء
أرفض هذا الجرح الغائر
أرفض هذا الزمن الفاتر
أريد زمنا آخر
أريد زمنا ثائر
أريدك زمنك ياناصر
يازمن السيف الهادر
يازمن الخطاب الثائر
يازمن القوة والانتماء
ووطن عربى كامل
****
هناك ٢٠ تعليقًا:
اذا
*****
من الاخر اريد وطنا اخر
تشمخ فية المنابر
بصوت الحق من الحناجر
أناغريب فى وطنى فأكون مهاجر
بصراحة شديدة جدا أنا لا أحب عبدالناصر ولست راضيا عن تجربته الحنجورية الشعاراتية التي انتهت بهزيمة يونيو القاتلة التي لم تنته آثارها حتى الآن وهذه الهزيمة في رأيي هي الدليل الأكبر على فشل هذه التجربة وإذا كنا نريد تغييرا حقيقيا ونرغب في تحقيق حلمنا بأمة قوية فما ينبغي لنا أن نهمل درس التاريخ الذي لقنه لعبد الناصر وكسره في ذروة اشتعال التجربة وفي أوج المجد الخادع
إذا ينبغي ببساطة ألا نتمنى عودة التجربة ولكن يمكن الاستفادة من إيجابياتها الكثيرة مع إهمال الخلل الكبير فيها وهو الاستبداد باسم الثورة وباسم الخوف على مستقبل الوطن وإهمال الحنجرة الفارغة التي أورثتنا الهزيمة المدمرة
أعرف أن زمن عبد النصر أهو من زمننا هذا في عهد مبارك ولكن المستوى القومي لابد من الملاحظة أن زمن ناصر انتهى فعليا بالهزيمة مما يؤكد كذب شعاراته وخداع تجربته العروبية
بغض النظر عن موقفي هذا لا أنكر أن الكلمات أعجبتي من الناحية الفنية وهناك مقاطع كثيرة أثارتني جدا مثل هذا المقطع الجميل والقاسي:
هل محال أن نثور ؟؟!!
هل محال أن نشعر بأن داخلنا دماء
يمكنها ان تغلى وتفور
وأن نصرخ ضد هذا الاستعلاء
عموما عذرا على الإطالة وتقبلي تحياتي
اعتقد ان وطننا بالذات مافيش مرحلة مرت عليه من غير ظلم ولا قهر ولا ذل...
كله كان موجود حتى فى زمن عبد الناصر...
ومع ذلك اكيد ماحدش ينكر القوة
اللى عبد الناصر اداها للشعب ولمصر
مع انى بحب السادات اكتر
الله يرحمهم
ياه .. يا أميرة الأميرات .. ومين سمعك .. كلامك جميل جدا جدا ومعبر عن أوضاعنا التي نحياها .. رحم الله ناصر ورحم زمانه البطولي
بيقولوا مصر ولاده .. مش يالا بقى يا مصر .. هاتيلنا ناصر تاني .. ولا عملاء الماسونية عطوكي حبوب منع الحمل إنتي كمان؟
كلامك جميل بجد
أرق وأطيب تحياتي
الاخت المحترمة
تشرفت بزيارة مدونتك واسعدنى كلامك عن اسد جسور ولت ايامه وباتت الايام اسود من رداء الارامل
سيدتى لست ناصريا ولكنى احس ان هذا الرجل هو من اشرف وانزه واقوى الرجال
لكى تحياتى واتمنى زيارتك لمدونتى
mego-mego.blogspot.com
رئيس تحرير
كلام جميل عن قائد عظيم
ربنا يرحمة
تحياتى
رحلة
فى مرورك نور يتألق دائما بكماتك القليلة
شكرا لكى
مزمز
اخى مزمز
احترم رأيك وان اختلفت معه
فانا اتفهمه
بالنسبة لى ناصر فيما كتبت فى هذا البوست
هو الرمز الذى لم ارى من هو افضل منه فعالمنا للأسف من سىء الى اسوء
انا ارى فيما تسميه شعارات حنجورية
لسان قوى يتحدث بلا خوف ولو حارب العالم بأثره ياسيدى الآن حتى الكلمة لا نستطيع التفوه بها فقط نشجب على استحياء وعيوننا فى الأرض
تتحدث بصراحة أنك لا تحبه
وانا اصرح بكل فخر انى اعشق هذا الرجل
رغم يقينى وعلمى بان هذه الفترة كان بها مساوىء كما كان بها مميزات
وان لم تكن اسوء من حالنا الآن بكل تأكيد
اشكرك لثنائك على الكلمات فهى كتبت بمرارة لما نعيشه وفقط وضعت ناصر رمزا للزمن اتمناه يخلوا من الذل والعار والركوع
تحياتى لك اخى
ولرأيك
دندنة
عزيزتى فعلا عندك حق مافيش عصر ماحصلش فيه ظلم وقهر ولو اختلفت الدرجات
على فكرة انا بيعجبنى السادات فى حاجات معينة وشايفة انه كان كريزما غير مفهومة لكنه كان كريزما لقائد لا افاضل بينه وبين عبد الناصر بايهما افضل وايهما أحب
فى راى كل عصر له مميزاته وعيوبه
ولكنى لا ادرى بالضبط مامميزات العصر الذى نحياه الآن فالكأس امتلأت
شكرا ليكى ميوية
ابن بهية
اخى اولا شكرا على التلبية السريعة للدعوة
اكيد مصر مليانة وان شاء الله اللى جاى احسن
تحياتى ليك اخى
رئيس التحرير اشكرك على زيارتك اخى
بحييك على رأيك وانا زرت مدونتك فعلا جميلة جدا
بمواضيعها المهمومة
شكرا لمرورك اخى
تحياتى
عزيزتي اميرة ويلز
يا لك من رقيقة فى كلماتك
وقوية فى فكرتك ككقوة من تتحدثين عنه
****************
وماأعظم زمنك ياناصر
زمن الكرامة ..
زمن مواقف الاشراف
**********************
رائعه هي كلماتك
لرجل وفارس وزعيم يستحق كل حب وتقدير واحترام
ناصر عزيزتي اميرة ويلز
هو رمز لكل مبدأ وفكر وكرامة
هو القيم التى يراها اصحاب الضمائر والعزة ويتجرد منها انصاف واشباة الرجال فحتي يحافظوا على ماء الوجه يصفونها بالشعارات
وهنا نقزف الرمال فى اعينهم ونقول
اذا كانت شعارات فهي شعارات تدل على القوة والعفة والاخلاق
فهل آيات القرآن الكريم كانت شعارات؟
رغم انها ايضا كلمات وافكار
العيب على الاخرين هو من يحول الشعارات لعمل ملموس او حتي لا يقوي على التفوة والكلام
تقبلي عميق احترامي لفكرك
كل سنة وانت طيب يا ابو خالد
عقبال ميت سنه وانت خالد قينا احنا ولاد الغلابه ولا د التعليم المجانى وارض الاصلاح , احنا اللى عرفنا هويتنا العربيه منك
بياخدوك مننا ياجمال بكل حاجه حلوه عملتهالنا وخصحصوها,كل فرصة عمل ضاعت, كل شبر ارض رجع للشركس والاتراك,بكل ضربة معول فى بيت العروبه
ايه يا ابو خالد مش ناوى ترجع تانى ثائر تانى شاب صغير من وسط الناس الغلابه نرجع الحق لاصحابه
انا ايضا اريد زمنك يا ناصر و احيكى
الحقيقة فعلا أن عبد الناصر قد يحمل في رأيي كثيرا من السلبيات وزمنه أيضا كذلك ولكن الحقيقة التي لا ينكرها عاقل أن شيئا أكيدا واحدا لا يمكن اتهامه به وهو العمالة للخارج أو التبعية لأحد القوى
كلامك جميل يا اميرة جدا
عامة انا مستنياه معاكي الزمن اللي انتي قلتي عليه
زمن جمال عبد الناصر او السادات حتي
ا كان فهو ارحم من وضعنا الحالي
انا مستنية زمنك يا ناصر
كلامك جميل فعلا زمن عبد الناصر اعتقد رغم مساؤة الا انة افضل من هذا الحال
والله ياجماعة انا مؤمن بشئ جدا ان كل شخص حكم مصر كان ليه مزايا وكان ليه عيوب من ناصر والسادات ومبارك كمان كل شخصية من دول عملوا حاجة وبرضة غلطوا في حاجات لكن كون ان في شخص مثالي فيهم فامش اعتقد ان في حد مثالي لان الكمال لله وحده عبد الناصر كان بتتمع بكاريزما عالية جدا ساعدته في تكوين شعبية لمصر بين الدول جامدة وكمان قدر يفجر رغبات كثيرة جوا الناس بس علي قد اللي عمله والالهام اللي قدمه للناس برضة كان له مخاطرات كان بيحسبها علي اساس شعبيته واللي كانت من نتيجتها حرب 67 انا مش هابعمل تحليل لشخصية عبد الناصر بس بجد هو كان الراجل المناسب في المكان المتاسب والاهم من ده كله في الوقت المناسب..تحية لابن مصري تحس ان مصر بجد جزء منه ..تحية لنفس مصري كان فيه هموم المصريين ..تحية لرجل مصري كان وسط الناس وفي قلب هموم المصريين..ناصر كان المهندس الشاطر اللي قدر يجمع مصر تاني ويخليها ايد واحدة يكفي أن ملايين الناس اللي طلعت يوم التنحي عشان يقفوا معاه يكفي انه حس بالغلط وكان عايز يتحمل المسئولية وده مش موجود في حد تاني يكفي ملايين الناس اللي بكيت يوم رحيله...ناصر مات وفي نفس لحظة موته اتولد في قلب التاريخ...عشان كدة مازال عايش بكل احساسه جوا الناس مين ينسي تاميم قناة السويس مين ينسي السد العالي مين ينسي تاميم مصر كلها...عبد الناصر كان بيتولد مع كل حاجة بيتعملها وحتي وهو بيموت اتولد في قلب التاريخ وبصماته هتفضل موجودة اختلفنا عليه او اتفقنا معاه ولكن مازالنا جميعا نخلع له القباعة
مش عارف بصراحة لما قريت فكرة الاحتفال بعيد ميلاد عبد الناصر قررت اني ابعتلكم الكلمات اللي كاتبها احمد فؤاد نجم في عيد ميلاد الريس بتاعنا
سيدي الرئيس
في عيد ميلادك الكام وسبعين
كل سنة وانت طيب
واحنا مش طيبين
كل سنة وانت حاكم
واحنا محكومين
واحنا مظلومين
واحنا متهانين
ويا تري يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - ها تفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
و هل تعلم أن النيل بقي رشاح
و الجو أصبح بيئة والعيشة ولعة
و الشرفا قلوبهم عالبلد والعة
و انت عاملهم مذبحة ولا بتاعة القلعة
و الإقتصاد سداح
و السرقة بقت كفاح
و مصر متاحة بس للسياح
و عرض البلد بقي مستباح
و الثانية
ورتنا الويل
دا الخطوة في عهدك بقت ميل
و الضحك بقي نواح و عويل
و الكوسة
عارف الكوسة
ممكن أقول لك فيها مواويل
و الجامعة بقت يا إما كباريه أو دار مسنين
و الشباب معظمهم من غير خمرة سكرانين
و العلم عز علي المتعلمين
و الأساتذة بقم دجالين
و القادة بقم طبالين
و اديني في الهايف يا حبيب الملايين
و الثالثة
عارف اليابانيين
زمان في سنة اتنين و خمسين
كان عندنا تروماي و كان عندنا علم و متعلمين
و ثقافة و مثقفين
و أدبا و علما و فنانين
و كانو اليابانيين
بالنووي لسه مضروبين
و للصدقة مستحقين
دلوقتي إحنا فين و هما فين
هما فوق و احنا في أسفل سافلين
و الرابعة
أمن بلدنا بقي تنين
و المحاكم اتملت مظالم
و العدالة بقت
كمالة
و كلمة الحق في الزبالة
و أصحابها في الزنازين
و الخامسة
القطاع العام....عام
و الفساد.....ساد
وفي جتة بلدنا بيرعي
أفتكر لجنابك إيه و للا إيه
و كل ذكري ليك بدمعة
آآآآآآآآه
آآآآآآآآه
أنا كنت حالف ميت يمين
أكملهم لك تمنية و سبعين
بس ها كفيهم ورق منين
و كل سنة و انت ............
و احنا طيبين
ياااه دة انا مارديتش من زمان اوى
الزعيمة
نورتينى بجد متشكرة اوى على كلامك
رأيك أكثر من رائع عزيزتى
لكى كل احترامى وتقديرى
شادى
جيت ع الجرح كلامك مؤثر اكتر من اللى انا كتباه فوق
قول يااااااااارب
بجابيجو
تعالى ندعى مع بعض
مزمز
صح هو دة اللى بنقوله شكرا لكلمة حق مابخلتش علينا بيها
سمرا
ادينا مستنيين الزمن الجميل اللى يجمعنا وينور الدنيا فى عنينا
ان شاء الله نكون ابطاله واحنا شباب ومانقضيش عمرنا فى الانتظار
fancy
اشكرك على رايك ومرورك
احمد
ايه اللفة دى كلها بس وقعت قلبى فكرتك معارض هههههه
رايك موضوعى جدا الف شكر
من غير اسم
ايه ياباشا انت جاى تهزر هنا والا ايه
إرسال تعليق